Komisioni Shtetëror Zgjedhor është e gatshme për zgjedhjet presidenciale konfirmoi sot kryetari i saj, Oliver Derkoski, përcjell Telegrafi Maqedoni.

Ai tha se “presim që muajin shkurt të caktohen zgjedhjet. Do të votohet në mënyrë e vjetër. Një nga punët e KSHZ-së është që të pastrojë listën zgjedhore”.

Derkoski tha se po punohet që në zgjedhjet e ardhshme parlamentare të votohet me teknologjinë e re. Me pranimin e shenjave të gishtërinjve.

Ekzistojnë instrumente të cilat e lexojnë gishtin dhe bëhet verifikimi, paraqitet fotografia juaj, ndërsa pastaj del fleta e votimit.

Qëllimi i pranimit të teknologjisë së re, sipas kryetarit të KSHZ-së, është për shkak të vërejtjeve të vazhdueshme për defekteve dhe mungesave në listën zgjedhore dhe rritjen e besimit dhe zbatimin e parimit një person një fletë votim.